შრომის, ჯანმრთელობისა და სოციალური დაცვის სამინისტრო შუახევში გარდაცვლილი ახალგაზრდის გამო პასუხს სამედიცინო კორპორაცია „ევექსს“  სთხოვს.

მინისტრის მოადგილის ზაზა სოფრომაძის განცხადებით, კლინიკას დაჭრილისათვის გადაუდებელი დახმარება უნდა აღმოეჩინა. ამის შესახებ სოფრომაძემ რუსთავი2-ის ეთერში განაცხადა.

მინისტრის მოადგილის განცხადებით, ჯანდაცვის სამინიტროს „ევექსისათვის“ საყოველთაო ჯანდაცვის პროგრამის კომპონენტების ნაწილიდან გასვლასთან დაკავშირებით დასტური არ მიუცია.

„მომსახურების გარკვეულ ფორმაზე უარის თქმა არ ნიშნავს ამ წინადადებაზე დასტურს. ამის შესახებ სამინისტროს არ გაუცია დასტური. გადაუდებელი დახმარება უზრუნველყოფილი უნდა იქნეს ყველა კლინიკაში, მით უმეტეს, ისეთ კლინიკაში და ისეთ რაიონში, სადაც ალტერნატივა არ არსებობს. ამის შესახებ ჯერ კიდევ შარშან რეგულირების სააგენტო აფრთხილებდა კომპანია „ევექსს“. გარდა ამისა, როდესაც ეს პროცესები დაიწყო, „ევექსსა“ და ჩვენს შორის კომინიკაცია შედგა და იყო საუბარი, რომ კლინიკაში შესაბამისი სერვისები უზრუნველყოფილი იქნებოდა“, - განაცხადა ზაზა სოფრომაძემ.

მისი თქმითვე, შუახევში მომხდარი შემთხვევა შესწავლილი იქნება და შესაბამისი მხარის პასუხისმგებლობა დადგება. სოფრომაძის ინფორმაციითვე, აჭარის მაღალმთიან რეგიონებში სამედიცინო მომსახურეობის კუთხით ცვლილებები განხორციელდება და  სახელმწიფომ მობილური ბრიგადით შუახევში „ევექსის“ საავადმყოფო უკვე უზრუნველყო.

შეგახსენებთ, 24 წლის დაჭრილი ახალგაზრდა შუახევში „ევექსის“ კლინიკაში მივიდა,  თუმცა საავადმყოფოში ქირურგი არ იმყოფებოდა და მამაკაცი მიყენებული ჭრილობების გამო სისხლისგან დაიცალა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ერდოღანის რეჟიმმა თურქული კინოს ვარსკვლევები, მომღერლები და ოპოზიციონერების შვილებიც დააკავა

უკრაინის 19 მოქალაქე შველას ითხოვს, ისინი დარიალის გამშვებ პუნქტში გაუსაძლის მდგომარეობაში არიან

საქართველოში კრიპტოვალუტის გათეთრების საერთაშორისო საქმეზე ამერიკელმა, პოლონელმა და ქართველმა სამართალდამცველებმა ფართომასშტაბიანი სპეცოპერაცია ჩაატარეს

საწვავის ფასების ზრდა, საქართველოში, ინფლაციის ერთ-ერთ მთავარ ფაქტორად რჩება