საუდის არაბეთში, პრინც ალ ვალიდ ბინ ტალალას, რომელსაც საქართველოს საპატიო მოქალაქის წოდება აქვს მინიჭებული, ფულის გათეთრებაში, გამოძალვასა და მექრთამეობაში ადანაშაულებენ, - ამის შესახებ Reuters სანდო წყაროზე დაყრდნობით იუწყება.

მედია საშუალების ინფომრაციით, საუდის არაბეთში კორუფციის ბრალდებით სულ 11 პრინცია დაკავებული.

როგორც საუდის არაბეთის მეფემ სალმან ბინ აბდალ აზიზ ალ საუდმა აღნიშნა, სამეფოში მასშტაბური ანტიკორუფციული კამპანია მიმდინარეობს. BBC-ის ცნობით, ალ ვალიდ ბინ ტალალას, ინვესტიციები ისეთ დიდ კომპანიებში აქვს, როგორებიც არის Apple და Twitter.

ეჭვმიტანილ პრინცის საპატიო მოქალაქის წოდება 2015 წელს მიენიჭა. მან 2015 წლის 13 ივნისს თბილისის სტიქიის შედეგად დაზარალებულთა დასახმარებლად 300 000 აშშ დოლარი გამოჰყო. საპატიო მოქალაქის შესახებ შესაბამისი განკარგულება საქართველოს მაშინდელი პრემიერ-მინისტრის ირაკლი ღარიბაშვილის წარდგინებით საქართველოს პრეზიდენტმა გიორგი მარგველაშვილმა გამოსცა.

ავტორი: ,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა