პუჩდემონი: შემეძლო დარჩენა და წინააღმდეგობისკენ მოწოდებით გამოსვლა, თუმცა ეს არ გავაკეთე

2017-11-04 10:47:46, 2241 ნახვა

მსოფლიო

კატალონიის მთავრობის ყოფილმა თავმჯდომარემ კარლეს პუჩდემონი ბელგიაში წასვლის მიზეზებზე ისაუბრა, - ამის შესახებ Ria იუწყება.

როგორც პუჩდემონმა განმარტა, მას არ სურდა კონფრონტაციული სიტუაცია შექმნილიყო, რადგან ბევრი მზად იყო წინააღმდეგობისთვის.

„მე დარჩენა და წინააღმდეგობისკენ მოწოდებით გამოსვლა შემეძლო. მე ეს არ გავაკეთე და არ მსურს გავაკეთო. ჩვენ არასდროს ვუჭერდით მხარს ძალადობას. მოდით, ვისაუბროთ სერიოზულად. თქვენ ნახეთ, რა ხდებოდა კატალონიაში ბოლო 7 წლის განმავლობაში? ნახეთ მრავალმილიონიანი დემონსტრაციები ინციდენტების გარეშე? ეს თანამედროვე ისტორიაში ყველაზე მსხვილი მშვიდობიანი დემონსტრაციები იყო. კატალონიური მოძრაობა წარმოუდგენლად მშვიდობიანია“, - აღნიშნა პუჩდემონმა.

პუჩდემონის თქმით, კატალონიის დამოუკიდებლობისადმი მისწრაფების გამო ესპანეთში სამოქალაქო ომი არ იქნება.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები