რუსეთის საგარეო საქმეთა სამინისტროს ოფიციალური წარმომადგენლის განცხადებით, მოსკოვი მოუწოდებს საქართველოს, რაც შეიძლება მალე მიიღოს აფხაზეთთან და ე.წ. სამხრეთ ოსეთთან ძალის გამოუყენებლობის შესახებ შეთანხმება.

როგორც ზახაროვამ განმარტა, ამ შეთანხმების მიღება ჟენევის დისკუსიების მთავარი მიზნის შესრულბას ხელს შეუწყოფს.

„მოვუწოდებთ თბილისში ჩვენს კოლეგებს, უარი თქვან ამ რიტორიკაზე, ფორმულირებებით თამაშზე და დაკავდნენ კონსტრუქციული, ნამდვილი სამუშაოთი. ძალის გამოუყენებლობის შესახებ შინაარსით ყველაზე ზოგადი განცხადების სწრაფი მიღება საშუალებას მოგვცემდა, შეგვესრულებინა ჟენევის დისკუსიების მთავარი მიზანი - მედვედევი-სარკოზის შეთანხმების შესაბამისად, თბილისსა და სოხუმს, თბილისსა და ცხინვალს შორის ძალის გამოუყენებლობის შესახებ შეთანხმებების მიღწევა“, - განაცხადა ზახაროვამ.

ამასთან, ზახაროვამ აღნიშნა, რომ საქართველოს მიერ გაკეთებული განცხადებები, რუსეთში კითხვებს ბადებს.

„ჩვენი აზრით, თბილისში მშვენივრად ესმით, რომ რეგიონში უსაფრთხოების მექანიზმები დიდი ხნის წინ შექიმნა. აფხაზეთისა და სამხრეთ ოსეთის მთავრობების მოწვევით ადგილზე საერთაშორისო სამართლის საფუძველზე, რუსეთის შეიარაღებული ძალებისა და სასაზღვრო ძალების კონტინგენტია განთავსებული. ამას გარდა, საქართველოსთან ორივე რესპულიკის საზღვარზე რეგულარულად ტარდება მხარეების, ასევე გაერო-ს, ეუთო-სა და საქართველოში ევროკავშირის სპეციალური სადამკვირვებლო მისიის წარმომადგენლების შეხვედრები. ამ მექანიზმების საშუალებით სხვდასხვა ინციდენტის აღკვეთა და მათზე ადეკვატური რეაგირება ხდება", - განაცხადა რუსეთის საგარეო უწყების წარმომადგგენელმა. 

ავტორი: ,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა