სერგეენკო: ყიზილაჯლოში დაჭრილთაგან ერთის მდგომარეობა მძიმეა, მეორის საშუალო სიმძიმის

2017-10-20 10:34:43, 1961 ნახვა

კომენტარი

ჯანდაცვის მინისტრის დავით სერგეენკოს ინფორმაციით, ყიზილაჯლოში დაჭრილთაგან ერთის მდგომარეობა მძიმეა, მეორის საშუალო სიმძიმისა, ხოლო სხვა დაშავებულები მსუბუქად არიან.

როგორც სერგეენკომ აღნიშნა, ორ დაშვებულს, რომლებსაც ოპერაცია ჩაუტარდათ, ინტენსიურ თერაპიაში დასჭირდებათ მკურნალობის გაგრძელება.

რაც შეეხება დაშავებულების თბილისში გადაყვანას, მინისტრმა აღნიშნა, რომ მათი გადაყვანა ამ ეტაპზე არ იგეგმება.

„ამ ეტაპზე არ იგეგმება, რადგან გადაყვანის შემთხვევაში, რისკი უფრო არსებობს. აქ ყველაფერია, რაც მათთვისაა საჭირო, რომ კვალიფიციური მკურნალობა ჩაუტარდეთ“,-განაცხადა სერგეენკომ.

შეგახსენებთ, მარნეულის რაიონის სოფელ ყიზილაჯლოში, პარტია „ქართული ოცნების“ საარჩევნო შტაბის მიმდებარე ტერიტორიაზე, დაუდგენელმა პირმა ავტომატური ცეცხლსასროლი იარაღიდან გასროლით 4 პირი დაჭრა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები