კიევში, უმაღლეს რადასთან მომიტინგეებმა განაცხადეს, რომ დეპუტატებს პარლამენტის შენობიდან იქამდე არ გამოუშვებენ, ვიდრე ისინი მათ მოთხოვნებს არ დააკმაყოფილებენ, - ამის შესახებ Tass-ი იუწყება.

მედია საშუალების ინფორმაციით, მომიტინგეების მთავარი მოთხოვა ანტიკორუფციული სასამართლოს შექმნა, სადეპუტატო იმუნიტეტის გაუქმება და საარჩევნო კანონმდებლობის შეცვლაა.

"16:00 საათის შემდეგ მიტინგი გაგრძელდება და ჩვენ პარლამენტის შენობიდან არ უნდა გამოვუშვათ არც ერთი დეპუტატი, სანამ ისინი მხარს არ დაუჭერენ ხალხის ნებას, მაგრამ ეს მშვიდობიანად უნდა გავაკეთოთ", - განაცხადა საქართველოს მესამე პრეზიდენტმა მიხეილ სააკაშვილმა და დასძინა, რომ ზუსტად 16:00 საათზე პარლამენტარები სწორედ იმ საკითხების განხილვაზე გადავლენ, რომლებიც მომიტინგეებს აინტერესებთ.

ცნობისთვის, ბოლო მონაცემებით უმაღლეს რადასთან 1000-ზე მეტი ადამიანია შეკრებილი. ისინი მშვიდობიან აქციას მართავენ.

შეგახსენებთ, რომ კიევში, უმაღლეს რადასთან საპროტესტო აქცია უკვე მესამე დღეა მიმდინარეობს. აქციაზე პერიოდულად ერთმანეთს მომიტინგეები და სამართალდამცველები უპირისპირდებიან. ერთ-ერთი დაპირისპირების დროს რამდენიმე ადამიანი დაშავდა, კიდევ 11 დააკავეს, თუმცა მალევე გაათავისუფლეს. გუშინ მომხდარი შეტაკების დროს პოლიციამ აქციის მონაწილეების წინააღმდეგ ცრემლსადენი გაზიც გამოიყენა.

ავტორი: ,

სოციალური ქსელები

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა

ALDE: ოცნებამ უნდა უზრუნველყოს, რომ ელენე ხოშტარიამ მიიღოს მკურნალობა, რომელიც სჭირდება