საგარეო საქმეთა მინისტრის მოადგილის დავით ზალკალიანის განცხადებით, საგარეო უწყება კონგოში დატყვევებული ქართველი მფრინავის, სოსო ოსორაულის ოჯახის წევრებთან მუდმივ კონტაქტზეა.

მისივე თქმით, ოსორაულის ოჯახისთვის თავიდანვე  ცნობილი იყო იმ დოკუმენტაციის შესახებ, რომელიც საგარეო საქმეთა სამინისტროს გააჩნია.

ზალკალიანის განმარტებით, საგარეო საქმეთა სამინისტრო ყველაფერს გააკეთებს, რათა დამატებითი ინფორმაცია მოიპოვოს:

„ისინი თავიდანვე იყვნენ ინფორმირებული იქ განვითარებული პროცესების შესახებ. იქ განვითარებული რთული პოლიტიკური სიტუაციის გამო, ძალიან რთულია, რომ მყარი მტკიცებულებები იყოს წარდგენილი, თუმცა ის დოკუმენტაცია, რაც ჩვენ ხელთ გვქონდა, ბუნებრივია, ოჯახისთვისაც იყო ცნობილი. ამიტომ, ვფიქრობ, ჩვენ ყველა ჩვენს ხელთ არსებული რესურსი გამოყენებული გვაქვს და ყველაფერს გავაკეთებთ იმისთვის, რომ დამატებითი მტკიცებულებები კიდევ იყოს მოპოვებული და ოჯახს მიეწოდოს ამომწურავი ინფორმაცია. ძნელია იმის მტკიცება გარდაცვლილია თუ არა, მაგრამ ჩვენს ხელთ არსებული საბუთები, რაც გვაქვს, ბუნებრივია, მივაწოდეთ ოჯახს",- განაცხადა ზალკალიანმა.

შეგახსენებთ, რამდენიმე დღის წინ კონგოში დატყვევებული ქართველი მფრინავის სოსო ოსორაულის ოჯახის წევრებმა საგარეო საქმეთა სამინისტროსთან აქცია გამართეს. ოსორაულის ძმის, გიორგი ოსორაულის განცხადებით,  გაურკვეველი რჩება მათთვის, რატომ ვერ ხერხდება ამ დრომდე მის შესახებ ზუსტი ინფორმაციის მოპოვება.

„აცხადებენ და ამტკიცებენ მიცვალებულიაო. თუ მიცვალებულია  დააბრუნონ  საფლავი მაინც რომ იცოდეს ოჯახმა“, - განაცხადა გიორგი ოსორაულმა.

ცნობისთვის, 23 იანვარს კონგოში ადგილობრივმა მეამბოხეებმა ქართველი მფრინავი სოსო ოსორაული ტყვედ აიყვანეს. მათ სამხედრო-საჰაერო ძალების ორი შვეულმფრენი ჩამოაგდეს, ერთ-ერთს სწორედ ოსურაული მართავდა. სოსო ოსურაული თავდაცვის სამინისტროს შეიარაღებული ძალებიდან 2015 წელს საკუთარი განცხადების საფუძველზე წავიდა და მუშაობა კონგოში, კერძო საავიაციო კომპანიაში დაიწყო.

ავტორი: ,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა