ამერიკა 6 ქვეყნის მოქალაქეებისთვის ვიზების გაცემას განაახლებს

2017-10-18 12:30:23, 2702 ნახვა

მსოფლიო

ჰავაის სასამართლომ ამერიკის შეერთებული შტატების პრეზიდენტის დონალდ ტრამპის საიმიგრაციო განკარგულება შეაჩერა, რომელიც 6 ქვეყნის მოქალაქეებს ამერიკაში შესვლის უფლებას უზღუდავდა, - ამის შესახებ Strana იუწყება.

მედია საშუალების ინფორმაციით, ირანის, სირიის, იემენის, ლივიის, სომალისა და ჩადას მოქალაქეებისთვის ვიზების გაცემა აღდგება.

აღსანიშნავია, რომ სასამართლოს გადაწყვეტილება არ შეეხო ვენესუელას ზოგიერთ და ჩრდილოეთ კორეის მოქალაქეებს.

შეგახსენებთ, რომ იანვარში დონალდ ტრამპმა საიმიგრაციო განკარგულებას ხელი მოაწერა. განკარგულების თანახმად 7 მუსლიმური ქვეყნის მოქალაქეებს მომდევნო 90 დღის განმავლობაში ამერიკის ტერიტორიაზე მოხვედრა ეკრძალებოდათ. პრეზიდენტის გადაწყვეტილებას ქვეყნის მასშტაბით მასობრივი საპროტესტო აქციები მოჰყვა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები