The Times: რუსეთი „თალიბანს“ ნატოს ძალების წინააღმდეგ საბრძოლველად აფინანსებს

2017-10-17 12:00:18, 2199 ნახვა

მსოფლიო

რუსეთი ავღანეთში თალიბების საბრძოლო რაზმს აფინანსებს, რათა დაჯგუფება "ისლამური სახელმწიფო" შეასუსტოს და ამით ამერიკის შეერთებულ შტატებს და ნატოს წინააღმდეგობა გაუწიოს, - ამის შესახებ The Times იუწყება.

როგორც გამოცემა "თალიბანის" ერთ-ერთ წევრზე დაყრდნობით იტყობინება, რუსეთი მათ უზბეკეთის გავლით ნავთობპროდუქტებს უფასოდ აწვდის.

წყაროს თქმით, თალიბებთან დაკავშირებული კომპანიების დახმარებით საწვავის რეალიზაციის შემდეგ მოგება საველე მეთაურებს რჩებათ.

მედია საშუალების ინფორმაციით, რუსეთიდან მიწოდებული ნავთობპროდუქტების ღირებულება თვეში 2.5 მილიონ დოლარს აღწევს და თალიბების დასახმარებლად ერთ-ერთი საშუალებაა.

რუსეთი აღნიშნულ ბრალდებებს უარყოფს, თუმცა მანამდე აცხადებდა, რომ სამშვიდობო მისიის ფარგლებში მათთან "გარკვეული კონტაქტები" აქვს.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები