ბრიტანელი ტერორისტი ქალი, სალი ჯონსი, რომელიც თეთრი ქვრივის სახელით არის ცნობილი, სირიაში ამერიკული უპილოტო საფრენი აპარატიდან დაბომბვის შედეგად დაიღუპა, - ამის შესახებ BBC იუწყება.

მედია საშუალების ინფორმაციით, 48 წლის ქალი ტერორისტულ დაჯგუფება "ისლამურ სახელმწიფოს" 2013 წელს, სირიაში ვიზიტისას შეუერთდა.

მედიის ცნობით, ქალი სამხედრო მოქმედებებში მონაწილეობას არ იღებდა, თუმცა სხვა ქალების გადაბირებაზე მუშაობდა. ის ასევე დაჯგუფების ქალების ფრთას ხელმძღვანელობდა, რომელიც დასავლეთის ქვეყნებში ტერაქტების მომზადებით იყო დაკავებული. გარდა ამისა, სალი ჯონსი, სოციალურ ქსელში „ისლამური სახელმწიფოს“ იდეების პროპაგანდით და ბრიტანელი ქრისტიანების მისამართით მუქარების გავრცელებით იყო დაკავებული.

როგორც BBC წერს, ის 12 წლის შვილთან ერთად ჯერ კიდევ ივნისში მოკლეს.

ამერიკელი სამხედროების ინფორმაციით, ტერორისტი სირიის ქალაქ რაქადან გაქცევის მცდელობისას დაიღუპა. 

სალი ჯონსი ადრე ბრიტანული პანკ-ჯგუფის Krunch-ის წევრი იყო.

ავტორი: ,

სოციალური ქსელები

Tv pirveli: ირაკლი ღარიბაშვილთან ციხეში ადვოკატის სახელით მისი ცოლის და შევიდა

ბიზნესმენ ირაკლი რუხაძის რუსთავის ფოლადმა არმატურის ბიზნესი გაყიდა

პოლიციამ ბათუმში ორი პირის მიმართ ჩადენილ ჯანმრთელობის მსუბუქად დაზიანების ფაქტზე 2 პირი დააკავა

საქართველოს ბანკის მხარდაჭერით ქუთაისში მეწარმე ქალთა განვითარების პროგრამა გაიმართა