აჭარის ავტონომიური რესპუბლიკის ჯანმრთელობისა და სოციალური დაცვის სამინისტროში შეზღუდული შესაძლებლობის მქონე პირმა სტაჟირება დაასრულა.

ჯემალ ჭელიძე უწყებაში სტაჟირების კურსს მიმდინარე წლის 2 მარტიდან 1 მაისამდე გადიოდა.

სტაჟირების წარმატებით გავლისთვის დღეს კურსდამთავრებულს მინისტრმა ნუგზარ სურმანიძემ სერტიფიკატი გადასცა.

„ეს ერთობლივი პროექტია ჩვენი და არასამთავრობო ორგანიზაციების. გვინდა, რომ სამინისტროს ბაზაზე სტაჟირება შეზღუდული შესაძლებლობის მქონე პირებმა მომავალ წელსაც გაიარონ. ჩვენ მათ გადავცემთ იმ ცოდნას და გამოცდილებას რაც გაგვაჩნია. მათი საჯარო სამსახურში სტაჟირება კარგი სასტარტო პირობაა კონკურსში მონაწილეობისა და დასაქმებისათვის. ბატონი ჯემალი ამის კარგი მაგალითია, ის აქტიურად თანამშრომლობდა ყველა დეპარტამენტთან, მიიღო მაქსიმალური ინფორმაცია სამინისტროს საქმიანობისა და საჯარო სამსახურის სპეციფიკის შესახებ, შეიძინა თეორიული და პრაქტიკული გამოცდილება“,-აღნიშნა ნუგზარ სურმანიძემ.

ჯემალ ჭელიძე პროფესიით რუსული ენისა და ლიტერატურის პედაგოგია. მან სტაჟირება სამინისტროსა და არასამთავრობო ორგანიზაციებს შორის გაფორმებული მემორანდუმის ფაგლებში გაიარა.

ურთიერთთანამშრომლობის მემორანდუმი სამინისტროს, ა(ა)იპ ,,ახალგაზრდული ორგანიზაცია ცვლილებები თანაბარი უფლებებისათვის", ა(ა)იპ ,,შეზღუდული შესაძლებლობების მქონე პირების უფლებებისათვის", ა(ა)იპ ,,აბროგაცია"-სა და ა(ა)იპ ,,Art Way"-ს შორის 2015 წლის 26 თებერვალს გაფორმდა.

მემორანდუმის ფარგლებში 2015 წლის სექტემბერში სტაჟირებას სამინისტროში კიდევ ერთი შშმ პირი გაივლის.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ერდოღანის რეჟიმმა თურქული კინოს ვარსკვლევები, მომღერლები და ოპოზიციონერების შვილებიც დააკავა

უკრაინის 19 მოქალაქე შველას ითხოვს, ისინი დარიალის გამშვებ პუნქტში გაუსაძლის მდგომარეობაში არიან

საქართველოში კრიპტოვალუტის გათეთრების საერთაშორისო საქმეზე ამერიკელმა, პოლონელმა და ქართველმა სამართალდამცველებმა ფართომასშტაბიანი სპეცოპერაცია ჩაატარეს

საწვავის ფასების ზრდა, საქართველოში, ინფლაციის ერთ-ერთ მთავარ ფაქტორად რჩება