თურქეთის სასამართლომ 2016 წლის სახელმწიფო გადატრიალების მცდელობის დროს ქვეყნის პრეზიდენტ რეჯეფ ტაიფ ერდოღანზე თავდასხმის საქმეზე ბრალდებულ 40 პირს სამუდამო პატიმრობა მიუსაჯა, - ამის შესახებ ABC News იუწყება.

მედია საშუალების ინფორმაციით, სასამართლომ გადამდგარი ვიცე-პოლკოვნიკი ჰუსეინ იილმაზი გაამართლა.

მედიის ცნობით, გამოძიებით დადგინდა, რომ ეჭვმიტანილებმა თავდასხმის განხორციელებისთვის ვერტმფრენი გამოიყენეს. კერძოდ კი, მათ იმ სასტუმროზე იერიშიც მიტანა სურდათ, რომელშიც პუტჩის დროს ერდოღანი იმყოფებოდა. ერდოღანმა თავდასხმამდე ცოტა ხნით ადრე სასტუმრო დატოვა.

შეგახსენებთ, რომ 2016 წლის 15 ივლისს, თურქეთში სამხედროებმა სახელმწიფო გადატრიალება სცადეს, რომლის დროსაც 230-ზე მეტი ადამიანი დაიღუპა, 2 ათასზე მეტი დაშავდა. ამის შემდეგ, ქვეყნის მასშტაბით მასობრივი დაკავებები დაიწყო, სახელმწიფო სტრუქტურებიდან ხალხის გათავისუფლება დაიწყო. თურქეთი პუტჩის მოწყობას მუსლიმ მქადაგებელს ფეთჰულა გიულენს აბრალებს. გიულენი ბრალდებებს უარყოფს.

ავტორი: ,

სოციალური ქსელები

ბოკუჩავა: რა თქმა უნდა, ვრჩები ნაციონალურ მოძრაობაში, ვიბრძოლებ ბოლომდე!

გვარამიას თქმით, მოსამართლემ არ დააკმაყოფილა ხოშტარიას მდგომარეობის შესწავლის შუამდგომლობა

ზელენსკი: თუ უკრაინა იწვის, თქვენი მოსკოვიც დაიწვება - დადგა დრო, დასრულდეს ეს აგრესია

ხოშტარია: ჯერ მკურნალ ექიმთან არ ყოფილა შეხვედრა, მაგრამ დამპირდნენ, რომ იქნება