გენერალი პეტრ პაველი: რუსეთისა და ბელარუსის სამხედრო წვრთნები, დიდი ომისთვის მომზადებას ჰგავს

2017-09-18 15:19:18, 2336 ნახვა

მსოფლიო

ნატო-ს სამხედრო კომიტეტის თავმჯდომარის გენერალ პეტრ პაველის განცხადებით, რუსეთისა და ბელარუსის ერთობლივი მასშტაბური სამხედრო წვრთნები, „დასავლეთი-2017” დიდი ომისთვის მომზადებას ჰგავს.

როგორც Delfi იუწყება, პაველმა აღნიშნა, რომ წვრთნების დროს შესაძლო არასასიამოვნო ინციდენტების თავიდან ასაცილებლად, ალიანსმა რუსეთთან სამხედრო არხებით კომუნიკაცია გაააქტიურა.

მისივე თქმით, რუსეთმა აღებული ვალდებულებები არ შეასრულა და არ დაიცვა ის წესები, რომლის დაცვაც და შესრულებაც სამხედრო წვრთნების დროს აუცილებელია.

„მოვახდინეთ ძალების კონცენტრაცია ბალტიისპირეთის ქვეყნებში, გვყავს სამხედროები შავ ზღვაზე და ნებისმიერი ინციდენტისთვის მზად ვართ“, - აღნიშნა პეტრ პაველმა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები