რუსეთში აფეთქების საფრთხის შეტყობინებების ავტორები სავარაუდოდ ISIS-სთან არიან კავშირში

2017-09-14 16:18:46, 2377 ნახვა

მსოფლიო

რუსეთის მასშტაბით ასობით ობიექტში აფეთქების საფრთხის შესახებ შესული შეტყობინებების ავტორები, სავარაუდოდ ტერორისტულ დაჯგუფება "ისლამურ სახელმწიფოსთან" არიან დაკავშირებულები, - ამის შესახებ "რია-ნოვოსტი" იუწყება.

მედია საშუალების ინფორმაციით, ასაფეთქებელი მოწყობილობების არსებობის შესახებ ინფორმაცია არც ერთ შემთხვევაში არ დადასტურებულა.

როგორც სამართალდამცველები აცხადებენ, ყველა შეტყობინების ავტორზე საერთაშორისო ძებნა გამოცხადდება.

სააგენტო სანდო წყაროზე დაყრდნობით წერს, რომ გამოძიების ინტერესებიდან გამომდინარე პირების ვინაობა არ სახელდება.

შეგახსენებთ, რომ საზოგადოებრივ და სავაჭრო ობიექტებში ბომბის არსებობის შესახებ ანონიმური ზარების სერია რუსეთში უკვე მეხუთე დღეა გრძელდება. გუშინ მსგავსი ზარები დედაქალაქშიც დაფიქსირდა, რის შედეგადაც 7 ათასზე მეტი ადამიანის ევაკუაცია გაანხორციელდა. საერთო ჯამში ცრუ განგაშის გამო 420 სხვადასხვა ობიექტიდან 130 ათასზე მეტი ადამიანის ევაკუაცია მოხდა. არსანისნავია, რომ დღეს ანონიმური შეტყობინება მოსკოვში 8 სკოლაშიც შევიდა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები