მიხეილ სააკაშვილის უკრაინაში შესვლის საქმესთან დაკავშირებით 5 პირია დაკავებული

2017-09-12 07:12:35, 2446 ნახვა

მსოფლიო

10 სექტემბერს "შეგინის" საბაჟო გამშვებ პუნქტთან განვითარებულ მოვლენებთან დაკავშირებით, უკრაინის შინაგან საქმეთა სამინისტრომ 5 პირი დააკავა, - ამის შესახებ ინფორმაციას უწყების პრეს-სამსახური ავრცელებს.

როგორც უწყების მიერ გავრცელებულ ინფორმაციაშია ნათქვამი, სამართალდამცველებმა 6 შესაძლო ორგანიზატორისა და მოვლენებში მონაწილე 32 პირის ვინაობაც დაადგინეს.

"100-ზე მეტი ადამიანი მოწმის სახით დაიკითხა. რამდენიმე დეპუტატს უკვე გადაეგზავნა შესაბამისი წერილი, რომლის თანახმადაც ისინი უნდა გამოცხადდნენ უწყებაში და პოლიცია საგამოძიებო მოქმედებებს ჩაატარებს", - აღნიშნულია ინფორმაციაში.

ცნობისთვის, მიხეილ სააკაშვილის ბრალი უკრაინის სახელმწიფო საზღვრის უკანონო გადაკვეთაში ედება. მან შესაბამის ადმინისტრაციულ ოქმს ხელი უკვე მოაწერა.

საქართველოს ყოფილმა პრეზიდენტმა უკრაინის საზღვარი 10 სექტემბერს მხარდამჭერების დახმარებით გადაკვეთა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები