უკრაინელი ექსპერტის, ორგანიზაცია "უკრაინის ბორომეტრის" დირექტორის ვიქტორ ნებოჟენკოს შეფასებით, ოდესის ყოფილი გუბერნატორის მიხეილ სააკაშვილის საქართველოში დეპორტაცია ნაკლებად  სავარაუდოა.

24tv-ის ინფორმაციით, ნებოჟენკომ განმარტა, რომ თუ ხელისუფლება ხვალიდან დაიწყებს ჟურნალისტების, დეპუტატების და აქტივისტების დაკითხვას, რაც ექსპერტის შეფასებით, მოსალოდნელია, ეს სააკაშვილის პოზიციას უფრო გააძლიერებს.

"სააკაშვილს, მედიის ცნობით, უკრაინაში 1.5-პროცენტიანი რეიტინგი აქვს, ხოლო საქართველოში მისი რეიტინგი 15 პროცენტს შეადგენს და საკუთარი პარტია გააჩნია. სააკაშვილის ნახვა საქართველოში არ უნდათ. სწორედ ამიტომ, ის საქართველოს ხელისუფლებას არ სჭირდება, რადგან  ის არაა მზად პოლიტიკური კრიზისისთვის. მეორე საკითხია, თუ დეპორტაცია მოხდება, თვითმფრინავმა რუსეთის საჰაერო ზონა უნდა გადაკვეთოს და მაშინ როდესაც, ამერიკის საელჩოს ეძინება, მას ჩამოაგდებენ. რუსეთს თვითმფრინავების ჩამოგდების დიდი გამოცდილება აქვს. მაგრამ სააკაშვილის დეპორტაცია არ მოხდება", - განაცხადა უკრაინელმა ექსპერტმა. 

ექსპერტის თქმით, სააკაშვილმა კარგად აითვისა თავისი როლი და ყველა პროცესის სტიმულატორი გახდა.

"მოსახლეობას იმდენად მობეზრდა ამჟამინდელი მმართველობა, რომ ის ყველანაირ სიტუაციას იყენებს, რომ თავისი პროტესტი გამოხატოს. სააკაშვილის ქმედებებმა ფიზიკური ძალის სახე მიიღეს. ეს იმაზე მეტყველებს, რომ კიევის ცენტრში არანაირი მაიდანი არ გვექნება", - განაცხადა ვიქტორ ნებოჟენკომ.

ავტორი: ,

სოციალური ქსელები

ადმინისტრაცია: კობახიძე მაკრონმა პარიზში, კოსმოსის საკითხებზე დაგეგმილ პირველ საერთაშორისო სამიტზე მიიწვია

ბათუმში, ე.წ. ოცნების ქალაქში ხანძარია

კიევზე რუსეთის მასშტაბურ სარაკეტო იერიშს, სულ მცირე, 12 ადამიანი ემსხვერპლა

საერთაშორისო გადახდები უფრო სწრაფი ხდება - თიბისის და Standard Chartered Bank-ის პარტნიორობა