2017-09-12 05:26:59, 2589 ნახვა
მსოფლიო
უკრაინის სასამართლო სააკაშვილის მიერ საზღვრის გადაკვეთის საკითხს 18 სექტემბერს განიხილავს
უკრაინის სასამართლო საქართველოს ყოფილი პრეზიდენტის, ოდესის ოლქის ყოფილი გუბერნატორის, მიხეილ სააკაშვილის მიერ ქვეყნის საზღვრის გადაკვეთის საკითხს 18 სექტემბერს განიხილავს, - ამის შესახებ უკრაინული მედია იუწყება.
სასამართლო პროცესი ადგილობრივი დროით 15:00 საათზეა ჩანიშნული.
როგორც 24tv.ua წერს, სასამართლო განსაზღვრავს, იყო თუ არა მიხეილ სააკაშვილის ქმედებებში კანონდარღვევა.
შეგახსენებთ, რომ დღეს სასტუმროში სადაც სააკაშვილია გაჩერებული სამართალდამცველები და მესაზღვრეები იყვნენ მისულები. შემდეგომ ოდესის ყოფილი გუბერნატორის ბრიფინგზე მას ადმინისტრაციული ოქმის შინაარსი გააცნეს, რასაც ოდესის ყოფილმა გუბერნატორმა ხელი მოაწერა.
![]()
ავტორი: ,
epn.ge (@expressnews.ge)
