მომხმარებელმა მაღაზია „ბიბლუსში“ საქართველოს რუკის ფორმის სუვენირი აღმოაჩინა, რომელზეც აფხაზეთი დატანილი არ არის.

ნინო მჭედლიძე Facebook-ის საკუთარ გვერდზე წერს, რომ აღნიშნული სუვენირი „ბიბლუსის“ ქსელში სხვა სათამაშოებთან ერთად იყიდება და მისი ღირებულება სულ რაღაც 4 ლარს შეადგენს.

„დღეს ვნახე ბიბლუსში.... თავიდან მეც გატეხილი მეგონა... არა აფხაზეთი მოჭრილი აქვს, სუვენირია და საქართველოში იყიდება“,-წერს  ნინო მჭედლიძემ.

აღნიშნულთან დაკავშირებით, „ბიბლუსმა“ განმარტება გაავრცელა, სადაც ნათქვამია, რომ მიმწოდებლებმა მაღაზიას რამდენიმე ცალი ხარვეზიანი სუვენირი „შეაპარა“.

მათივე განმარტებით, აღნიშნულ საკითხზე „ბიბლუსის“ იურისტები დღესვე მიმართავენ სამართალდამცავ ორგანოებს.

„რამდენიმე წუთის წინ სოციალურ ქსელში გავრცელდა ინფორმაცია, რომ „ბიბლუსის“ მაღაზიათა ქსელში იყიდება სუვენირი - საქართველოს რუკა, რომელზეც აფხაზეთი არ არის დატანილი.

გვინდა იცოდეთ, რომ ბიბლუსს მსგავსი სუვენირი არ შეუძენია, ჩვენ ქსელში შემოვიტანეთ რა თქმა უნდა ისეთი, რომელზეც ჩვენი სამშობლო სრულად არის დატანილი. თუმცა როგორც გაირკვა მომწოდებელმა, რომელმაც აღნიშნული პროდუქცია მოგვაწოდა, შემოგვაპარა რამდენიმე ცალი ხარვეზიანი. აღნიშნული ინფორმაცია გადავამოწმეთ სრულად ქსელში და წუნდებული სუვენირი რამდენიმეცალი მხოლოდ ერთ კონკრეტულ ფილიალში დაფიქსირდა.

აღნიშნულ საკითხთან დაკავშირებით ჩვენი იურისტები ხვალვე მიმართავენ სამართალდამცავ ორგანოებს, რათა გამოიძიონ ეს ფაქტი.

საქართველო ჩვენთვის იყო, არის და იქნება ყოველთვის აფხაზეთით და რა თქმა უნდა, არასოდეს შევეგუებით ჩვენს სამშობლოს ამ უნიკალური ტერიტორიის გარეშე“,-ნათქვამია განცხადებაში.

ავტორი: ,

სოციალური ქსელები

მთავრობამ რუსეთიდან დიზელის საწვავის ექსპორტი აკრძალა, ბენზინისა და თვითმფრინავის საწვავის შემდეგ

ნატოს ქვეყნები ორი წლის განმავლობაში უკრაინას 140 მილიარდი ევროს ოდენობის დახმარება გამოუყოფენ

ყოფილმა მთავარსარდალმა ზალუჟნიმ მოსაზრებას, რომ რუსეთმა ომი წააგო, „სახიფათო და არასწორი“ უწოდა

სააპელაციომ მკვლელობის მცდელობაში ბრალდებულს 17 წლით პატიმრობა მიუსაჯა