კიევში აფეთქების ფაქტზე გამოძიება განზრახ მკვლელობის მუხლით დაიწყო

2017-09-09 04:36:41, 2516 ნახვა

მსოფლიო

კიევში ავტომობილის აფეთქების საქმეზე გამოძიება საზოგადოებისთვის სახიფათო საშუალებით განხორციელებული განზრახ მკვლელობის მუხლით დაიწყო, - ამის შესახებ უკრაინის შინაგან საქმეთა სამინისტროს წარმომადგენელმა არიომ შევჩენკომ განაცხადა.

ამასთან, უკრაინული მედიის ცნობით, მას შემდეგ რაც სამართალდამცველები დაასრულებენ მუშაობას და პირველადი მონაცემების ანალიზს, საქმეს შესაძლოა ტერაქტის კვალიფიკაცია მიენიჭოს.

შეგახსენებთ, რომ აფეთქება კიევის ცენტრში გუშინ მოხდა, რის შედეგადაც საქართველოს მოქალაქე თემურ მახაური, იგივე რუსლან პაპასკირი, ზედმეტ სახელად "ზონა" დაიღუპა. მასთან ერთად ავტომობილში მისი მეუღლე და შვილი იმყოფებოდნენ. მეუღლის მდგომარეობა კრიტიკულია და მას ფეხის ამპუტაცია ემუქრება. რაც შეეხება ბავშვს, იგი უვნებელია.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები