კიევში დაღუპული თემურ მახაურის მეუღლეს, რომელიც ცნობილი მოდელია, ფეხის ამპუტაცია ემუქრება

2017-09-09 04:27:30, 2771 ნახვა

მსოფლიო

კიევში დაღუპული თემურ მახაურის მეუღლე ცნობილი მოდელია - მას ფეხის ამპუტაცია ემუქრება

კიევში, ავტომობილის აფეთქების შედეგად დაშავებულ ქალს, შესაძლოა, ფეხის ამპუტაცია დასჭირდეს, - ამის შესახებ 112.ua იუწყება.

როგორც დაშავებულის ექიმი აცხადებს, საქართველოს დაღუპული მოქალაქის, თემურ მახაურის მეუღლე რეანიმაციაში გადის მკურნალობას. მისივე თქმით, მას ოპერაცია უტარდება.

„ესაა ნაღმის შედეგად მიყენებული ტრავმები. დაზიანებულია სახე, თვალები და ძვლოვანი სისტემა, ასევე შინაგანი ორგანოები. ამჟამად რამეზე წინასწარ საუბარი შეუძლებელია“, - განაცხადა ექიმმა.

ადგილობრივი მედიის ცნობით, ქალს ნატალია ქვია, თუმცა მისი გვარი არ სახელდება. ასევე, გავრცელდა ინფორმაცია, რომ დაშავებული ქალი მსოფლიოში ცნობილი მოდელი და Dior-ის სახეა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები