2017-09-06 06:25:49, 2504 ნახვა
მსოფლიო
Gurdian: ევროკავშირიდან გამოსვლის შემდეგ, ბრიტანეთი მიგრანტების მიმართ ზომებს გაამკაცრებს
დიდი ბრიტანეთი ევროკავშირიდან ოფიციალურად გასვლისთანავე თავისუფალი სამუშაო ძალის გადაადგილებას შეაჩერებს და ქვეყანაში მომუშავე უცხოელებს პირობებს გაუმკაცრებს, - ამის შესახებ Guardian ქვეყნის შინაგან საქმეთა სამინისტროს კონფიდენციალურ დოკუმენტზე დაყრდნობით იუწყება.
კონფიდენციალური დოკუმენტის მიხედვით, ევროკავშირის ქვეყნების მოქალაქეები დიდ ბრიტანეთში შესვლას მხოლოდ პასპორტით შეძლებენ. ამასთან, იმ პირების მიმართ, რომლებიც იქ რამდენიმე თვე აპირებენ დარჩენას, ბიომეტრიული სისტემა ამოქმედდება.
გარდა ამისა, როგორც დოკუმენტშია აღნიშნული, ქვეყანაში ევროკავშირიდან ჩასული დაბალკვალიფიციური სამუშაო კადრების ყოფნის ვადა 2 წელს არ გადააჭარბებს, ხოლო უფრო გამოცდილი პირებისთვის ეს ვადა 3-დან 5 წლამდე გაიზრდება.
![]()
ავტორი: ,
epn.ge (@expressnews.ge)
