ევროკომისია თურქეთის პოლიტიკით კვლავ უკმაყოფილოა

2017-09-04 07:20:55, 2736 ნახვა

მსოფლიო

ევროკომისია თურქეთში პოლიტიკის გაუმჯობესებას ვერ ხედავს, - ამის შესახებ ევროკომისიის წარმომადგენელმა ტოვე ერნსტმა დღეს გამართულ ბრიფინგზე განაცხადა.

ამასთან, ერნსტის თქმით, თურქეთში არსებულ ვითარებას ევროკავშირიც აკრიტიკებს.

კრიტიკას ოფიციალური ანკარა პასუხობს და აცხადებს, რომ ევროკავშირი დადებულ პირობას არღვევს.

ცნობისთვის, 2016 წლის მარტში ოფიციალურმა ანკარამ და ბრიუსელმა შეთანხმებას მოაწერეს ხელი, რომლის თანახმადაც თურქეთი მიგრანტებს თავშესაფრით უზრუნველყოფდა, ხოლო ევროკავშირი თურქეთს წევრის სტატუსს მიანიჭებდა.

თურქეთმა პირობა ნაწილობრივ შეასრულა და მიგრანტთა ნაკადი მართლაც შემცირდა, თუმცა როგორც ევროკავშირში აცხადებენ, კიდევ ერთი მთავარი პირობა, პოლიტიკის შეცვლა იყო. კერძოდ კი, ევროკავშირი თურქეთში ადამიანის უფლებების კუთხით არსებულ რთულ ვითარებას აკრიტიკებს.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები