2017-09-01 11:35:38, 2344 ნახვა
სამართალი
თარგამაძის ინფორმაციით, უკრაინის პროკურატურამ რუსეთს გია ცერცვაძის ექსტრადიციაზე უარი უთხრა
„ევროპული საქართველოს“ წევრის, გივი თარგამაძის ინფორმაციით, უკრაინის პროკურატურამ რუსეთს ვიცე-პოლკოვნიკ გია ცერცვაძის ექსტრადიციაზე უარი უთხრა.
ამის შესახებ თარგამაძე Facebook-ის საკუთარ გვერდზე წერს
„სასიხარულო ამბავია უკრაინიდან. უკრაინის პროკურატურამ უარი უთხრა რუსეთს ვიცეპოლკოვნიკ გია ცერცვაძის ექსტრადიციაზე და დახურა ეს ქეისი. შესაბამისად, გიამ შეძლო უკრაინის შეიარაღებულ ძალებთან კონტრაქტის გაფორმება და იქ სამსახურის გაგრძელება. ასევე ძაან მახარებს, რომ გიას მცდელობით უკრაინის პარლამენტში შესულია საკანონმდებლო ინიციატივა, რომელიც მოაწესრიგებს უკრაინის შეიარაღებულ ძალებში უცხო ქვეყნების წარმომადგენელთა სამსახურს და თავიდან ააცილებს მებრძოლებს მსგავს სიტუაციებს. ვულოცავ გიას და ვუსურვებ წარმატებებს!“, - წერს გივი თარგამაძე.
![]()
ავტორი: ,
epn.ge (@expressnews.ge)
