პროკურორი: ბრალდება დადასტურებულია - ველოდებით გამამტყუნებელ განაჩენს

2017-09-01 07:40:00, 2244 ნახვა

კომენტარი

ე.წ. ციანიდის საქმის პროკურორის ჯარჯი წიკლაურის განცხადებით, მამა გიორგი მამალაძის ადვოკატებმა საკუთარ დასკვნით სიტყვაში ახალი ვერსია განავითარეს.

კერძოდ, წიკლაურის ინფორმაციით, ადვოკატებმა აღნიშნეს, რომ "ბრალდებულს, რომც ჰქონოდა ციანიდი და დაეპირებინა გერმანიაში გამგზავრება, ეს არის დაუსრულებელი მომზადება და ამისთვის არ უნდა დაისაჯოსო".

"ეს ახალი ვერსიაა მათი მხრიდან, თუმცა ბრალდება დადასტურებულია და უტყუარი მტკიცებულებების ფონზე ჩვენ ველოდებით გამამტყუნებელ განაჩენს", - განაცხადა ჯარჯი წიკლაურმა.

კითხვაზე - "განაჩენს ისე მოვუსმენთ, რომ არ გვეცოდინება ვისგან შეიძინა მამა გიორგი მამალაძემ ციანიდი?", პროკურორმა აღნიშნა, რომ "ის კი არაა არსებითი მამა გიორგი მამალაძემ ვისგან შეიძინა ციანიდი, არამედ არსებითია ის თუ რისთვის და რა მიზნით უნდოდა მას ეს ნივთიერება".

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები