რიგის საერთაშორისო აეროპორტში დღეს დილით ასაფეთქებელი მოწყობილობის არსებობის საფრთხის გამო თბილისიდან რიგის მიმართულებით რეისი სხვა აეროპორტში გადაამისამართეს.

ინციდენტის გამო რეისები უახლოეს აეროპორტებში შესრულდა ნიუ-იორკიდან, ტალინიდან, მალტადან, ჰელსინკიდან და კიდევ რამდენიმე ქალაქიდან.

"ლიგა.ნეტის“ ინფორმაციით, ასაფეთქებელი მოწყობილობის არსებობის შესახებ შეტყობინება ადგილობრივი დროით დაახლოებით 7:00 საათზე მიიღეს, რის შემდეგაც მგზავრების და თანამშრომლების ევაკუაცია განხორციელდა.

ამ დროისათვის აეროპოტში ტერმინალების შემოწმება ხდება. მომხდართან დაკავშირებით დაწყებულია გამოძიება. რიგის აეროპორტი ლატვიის დედაქალაქიდან 13 კილომეტრში მდებარეობს და ბალტიისპირეთში მგზავრთა გადაყვანის მოცულობით ყველაზე დიდი აეროპორტია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ოცნების მეგობარმა ირანის პარლამენტმა უცხოური ჩარევის წინააღმდეგ კანონი დაამტკიცა.

რომელი ბრენდი იმსახურებს ჩემპიონს? - ნინა თიბილაშვილის, ქართველი პარალიმპიელი ჩემპიონის ისტორია

კახეთში ფერმერებმა ატამი ნაგავსაყრელზე გადაყარეს, რადგან მისი გაყიდვა ვერ შეძლეს

უკრაინამ პირველად გამოიყენა ბრიტანული დრონები რუსეთის სიღრმეში საჰაერო დარტყმებისთვის