ჩილეში ვულკან კალბუკოს კიდევ ერთ ამოფრქვევას ელოდებიან.

ოფიციალური უწყებების ცნობით, ვულკანის გააქტიურება, სავარაუდოდ ნაკლები სიძლიერის იქნება, ვიდრე გასულ კვირას მომხდარი ორი ამოფრქვევა.

ბოლო დღეებში ჩილესა და არგენტინის აეროპორტების ნაწილს ვულკანის ამოფრქვევის გამო მუშაობა შეჩერებული ჰქონდა.

სტიქიის ზონიდან 6 000-ზე მეტი ადამიანის ევაკუაცია განხორციელდა.

გასულ კვირას ჰაერში ტონობით ვულკანური ფერფლი გავრცელდა. ვულკანი კალბუკო ჩილეს სამხრეთ რეგიონში არგენტინის საზღვართან ახლოს მდებარეობს, რის გამოც მისი გააქტიურების შედეგად არგენტინის ნაწილიც დაზარალდა.

ჩილეს მთავრობის განცხადებით, სტიქიის შედეგად ფერმერებისათვის მიყენებული ზარალის ასანაზღაურებლად რესურსები გამოიყოფა.

ჩილეში 90-ზე მეტი აქტიური ვულკანია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ოცნების მეგობარმა ირანის პარლამენტმა უცხოური ჩარევის წინააღმდეგ კანონი დაამტკიცა.

რომელი ბრენდი იმსახურებს ჩემპიონს? - ნინა თიბილაშვილის, ქართველი პარალიმპიელი ჩემპიონის ისტორია

კახეთში ფერმერებმა ატამი ნაგავსაყრელზე გადაყარეს, რადგან მისი გაყიდვა ვერ შეძლეს

უკრაინამ პირველად გამოიყენა ბრიტანული დრონები რუსეთის სიღრმეში საჰაერო დარტყმებისთვის