ინტერნეტ საძიებო გიგანტის Google-ის ერთ-ერთი აღმასრულებელი ხელმძღვანელი  დენ ფრედინბურგი  ევერესტზე ზვავის ჩამოწოლის შედეგად დაიღუპა. ინფორმაცია ”Google"-მა დაადასტურა. დენ ფრედინბურგი ალპინისტურ კომპანია Jagged Globe-თან ერთად ევერესტზე ექსპედიციაში იმ დროს იმყოფებოდა, როცა ნეპალში ძლიერი მიწისძვრა მოხდა, რამაც ზვავის ჩამოწოლა გამოიწვია. ბოლო მონაცემებით, მწვერვალ ევერესტზე ზვავის ჩამოწოლის  შედეგად 17 ადამიანი  დაიღუპა.

შეგახსენებთ, ნეპალის დედაქალაქ კატმანდუს მახლობლად ძლიერი მიწისძვრა გუშინ მოხდა. დაზუსტებული მონაცემებით, მიწისქვეშა ბიძგების მაგნიტუდა 7.9 ბალს შეადგენდა. დაღუპულთა რიცხვმა  2 000-სს გადააჭარბა. დანგრეულია საცხოვრებელი შენობები და ნანგრევებში უამრავი ადამიანია მოყოლილი. ჩამონგრეულია კატმანდუს მთავარი ღირსშესანიშნაობა - 60 მეტრიანი დხარახარას კოშკი. სიტუაციას  ძლიერი განმეორებითი ბიძგები ართულებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ოცნების მეგობარმა ირანის პარლამენტმა უცხოური ჩარევის წინააღმდეგ კანონი დაამტკიცა.

რომელი ბრენდი იმსახურებს ჩემპიონს? - ნინა თიბილაშვილის, ქართველი პარალიმპიელი ჩემპიონის ისტორია

კახეთში ფერმერებმა ატამი ნაგავსაყრელზე გადაყარეს, რადგან მისი გაყიდვა ვერ შეძლეს

უკრაინამ პირველად გამოიყენა ბრიტანული დრონები რუსეთის სიღრმეში საჰაერო დარტყმებისთვის