ნეპალში მიწისძვრის შედეგად დაღუპულთა რიცხვი 2000–ს აღწევს, მათ შორის 17 ადამიანი მწვერვალ ევერესტზე ზვავის ჩამოწოლის  შედეგად დაიღუპა. მხოლოდ დედაქალაქ კატმანდუში კი,  700–ზე მეტია გარდაცვლილი.

ინფორმაციას "ბი ბი სი" ავრცელებს. 

უცხოური მედიის ცნობით, კატმანდუში სავაადმყოფოები დაშავებულებით არის სავსე და ყველა პაციენტისთვის სამედიცინო დახმარების გაწევა რთულდება.

ნეპალი საერთაშორისო საქველმოქმედო ორგანიზაციებისგან დახმარებას ითხოვს.

ამ დროისთვის ნეპალში მეწყერის გამო გზები დაბზარული და ჩაკეტილია.  

 შეგახსენებთ, ნეპალის დედაქალაქ კატმანდუს მახლობლად ძლიერი მიწისძვრა გუშინ მოხდა. დაზუსტებული მონაცემებით, მიწისქვეშა ბიძგების მაგნიტუდა 7.9 ბალს შეადგენდა. თვითმხილველთა ცნობით, დანგრეულია საცხოვრებელი შენობები და ნანგრევებში უამრავი ადამიანია მოყოლილი. ჩამონგრეულია კატმანდუს მთავარი ღირსშესანიშნაობა - 60 მეტრიანი დხარახარას კოშკი. სიტუაციას ართულებს ძლიერი განმეორებითი ბიძგები, რომელსაც დამატებით ნგრევა მოყვება.

ნეპალში ასეთი სიმძლავრის მიწისძვრა ბოლო 80 წელია არ მომხდარა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ოცნების მეგობარმა ირანის პარლამენტმა უცხოური ჩარევის წინააღმდეგ კანონი დაამტკიცა.

რომელი ბრენდი იმსახურებს ჩემპიონს? - ნინა თიბილაშვილის, ქართველი პარალიმპიელი ჩემპიონის ისტორია

კახეთში ფერმერებმა ატამი ნაგავსაყრელზე გადაყარეს, რადგან მისი გაყიდვა ვერ შეძლეს

უკრაინამ პირველად გამოიყენა ბრიტანული დრონები რუსეთის სიღრმეში საჰაერო დარტყმებისთვის