25 აპრილი ლოგისტიკის დღეა.

თავდაცვის სამინისტროს ინფორმაციით, როფესიულ დღესთან დაკავშირებით, საქართველოს შეიარაღებული ძალების ჯარების ლოგისტიკური უზრუნველყოფის სარდლობამ საჩვენებელი სამეთაურო-საშტაბო სწავლება „აღალი 2015“ გამართა.

სწავლება სოფელ გაჩიანის მიმდებარე ტერიტორიაზე გაიმართა. წვრთნას გენერალური შტაბის უფროსის პირველი მოადგილე, ბრიგადის გენერალი  ვლადიმერ ჩაჩიბაია და საქართველოს თავდაცვის მინისტრის მოადგილე კახა ოქროჯანაშვილი დაესწრნენ. „აღალი 2015“-ზე იმყოფებოდნენ ასევე, ჯარების ლოგისტიკური უზრუნველყოფის სარდალი პოლკოვნიკი მამუკა ცხვედიანი და სხვადასხვა ბრიგადის ხელმძღვანელი პირები.

სწავლების მეთაურმა სტუმრებს წვრთნების მიმდინარეობის შესახებ დეტალური ინფორმაცია მიაწოდა. „აღალი 2015“ საბრძოლო ოპერაციების დროს  ქვედანაყოფების უწყვეტ და დროულ ლოგისტიკურ უზრუნველყოფას, ასევე მართვისა და კონტროლის სრულყოფას ისახავდა მიზნად.

იმიტირებული სცენარის მიხედვით, საბრძოლო ვითარებისას ლოგისტიკის სარდლობას შეიარაღებული ძალების ქვედანაყოფებისთვის ყველა კლასის მარაგის უზრუნველყოფა დაევალა. ადგილზე ფუნქციონირებდა საევაკუაციო და სარემონტო ჯგუფებიც.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ოცნების მეგობარმა ირანის პარლამენტმა უცხოური ჩარევის წინააღმდეგ კანონი დაამტკიცა.

რომელი ბრენდი იმსახურებს ჩემპიონს? - ნინა თიბილაშვილის, ქართველი პარალიმპიელი ჩემპიონის ისტორია

კახეთში ფერმერებმა ატამი ნაგავსაყრელზე გადაყარეს, რადგან მისი გაყიდვა ვერ შეძლეს

უკრაინამ პირველად გამოიყენა ბრიტანული დრონები რუსეთის სიღრმეში საჰაერო დარტყმებისთვის