მერიის ეკოლოგიისა და გამწვანების სამსახურის ინიციატივით,  მთაწმინდაზე  ხანძრის შემდგომ დაზიანებული ფერდობი გარემოს ეროვნული სააგენტოს, სატყეო დეპარტამენტისა და  თბილისის ეროვნული ბოტანიკური ბაღის სპეციალისტებმა დაათვალიერეს. შესაბამისი სამსახურები შესთავაზებენ რეკომენდაციებს მერიის ეკოლოგიის სამსახურს და შემდგომში დაიგეგმება ტყის საფარის აღდგენითი სამუშაოები.

,,ამ ტერიტორიაზე მეწყრული პროცესის ფორმირება პრაქტიკულად გამორიცხულია, შესაძლებელია მხოლოდ ძალიან თხელ ფენაში განვითარდეს, რადგან აქ ნალექების დანაგროვები ძალიან მცირე რაოდენობით არის’’, -  განაცხადა ტერიტორიის დათვალიერების შემდეგ გარემოს ეროვნული სააგენტოს გეოლოგმა შოთა ლობჟანიძემ.

ტერიტორიის დათვალიერების შემდეგ სოფლის მეურნეობის მეცნიერებათა პროფესორმა ჯუმბერ ლომიძემ აღნიშნა, რომ დღევანდელი მდგომარეობა საგანგაშო არ არის.

„ეს ტერიტორია სუბარიდული ზონაა და ნალექები ძალიან მცირეა რაოდენობით არის. ჰაერის ტენიანობა ძალიან დაბალია, ამიტომ პირველ რიგში უნდა მოეწყოს სარწყავი სისტემა.  ნიადაგიდან გამომდინარე, უნდა შეირჩეს ისეთი მერქნული მცენარეები, რომლის ფესვთა სისტემაც ზედა ფენაში იქნება განლაგებული, რომ მოსული ნალექები შეითვისოს. ჩვენ შევისწავლით ტერიტორიას და შესაბამის რეკომენდაციებს დავდებთ‘’, -აღნიშნა ჯუმბერ ლომიძემ.

მთაწმინდის ფერდობზე ხანძარი 8 აგვისტოს გვიან ღამით გაჩნდა, რის შედეგადაც 2 ჰექტარ ტერიტორიაზე 200-მდე ძირი ხე დაიწვა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”