სერჟ სარგსიანი: ჩვენი პოლიტიკის მიზანი, კაცობრიობის წინააღმდეგ ახალი დანაშაულების აღსაკვეთად ქმედითი მექანიზმების შემუშავებაა

2015-04-24 17:59:50, 1364 ნახვა

მსოფლიო

ერევანში 100 წლის წინ ოსმალეთის იმპერიაში დაღუპულ სომხებს პატივი მიაგეს. ღონისძიებას სომხეთის, საფრანგეთის, რუსეთის, კვიპროსოსისა და სერბეთის პრეზიდენტები ესწრებოდნენ.
სომხეთის პრეზიდენტ სერჟ სარგსიანის განცხადებით, მათი პოლიტიკის მიზანი, კაცობრიობის წინააღმდეგ ახალი დანაშაულების აღსაკვეთად ქმედითი მექანიზმების შემუშავებაა.
"დღეს პატივს მივაგებთ სომეხთა გენოციდის მსხვერპლთ.100 წლის წინ 24 აპრილს ოსმალთა იმპერიის დედაქალაქსა და რამდენიმე ქალაქში სომხური ინტელიგენციის წარმომადგენელთა მასობრივი დაპატიმრებები დაიწყო, რასაც წინ უძღოდა სომეხი ჯარისკაცების განიარაღება და განადგურება. ეს იყო მე-20 საუკუნის ერთ-ერთი ყველაზე მძიმე და მასშტაბური დანაშაული.თითქმის მილიონ ხუთასი ათასი ადამიანი მოკლეს მხოლოდ იმის გამო, რომ სომეხი იყო. გუშინ ისინი წმინდანებად შევრაცხეთ. ჩვენი პოლიტიკის მიზანია, ხსოვნასა და პასუხისმგებლობაზე დაყრდნობით, ქმედითი მექანიზმების შემუშავება კაცობრიობის წინააღმდეგ ახალი დანაშაულების აღსაკვეთად",-განაცხადა სომხეთის პრეზიდენტმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან