„გუშინ უკრაინის მთელ საზღვარზე გამოცხადდა საგანგებო მდგომარეობა, დაიგეგმა დაკავების ოპერაცია და ავტომობილების საბარგულებში მეძებდნენ“, - ამის შესახებ საქართველოს ყოფილი პრეზიდენტი, ოდესის ოლქის ყოფილი გუბერნატორი, მიხეილ სააკაშვილი Facebook-ის საკუთარ გვერდზე წერს.

„გუშინ, მას შემდეგ, რაც ჩვენი დეპუტატების ჯგუფმა ჩემთან ერთად გამართა შეხვედრა პოლონეთის სეიმის დეპუტატებთან და ავტომობილით გაემგზავრნენ უკრაინაში, უკრაინის მთელ საზღვარზე გამოცხადდა განგაში და საგანგებო მდგომარეობა. დაიგეგმა დაკავების ოპერაცია. (ეს ჩემთვის კარგად არის ნაცნობი, ჯერ კიდევ საბჭოთა დროიდან, როდესაც მე თავად ვმსახურობდი ამ საზღვარზე). ადამიანებს აჩერებდნენ იმაზე მეტ ხანს, ვიდრე ჩვეულებრივ და თითოეულის საბარგულს ამოწმებდნენ. რას ეძებდნენ საბარგულებში? მე მეძებდნენ!

იმავდროულად, გუშინ რადაში შეიტანეს კანონპროექტი, რომლითაც უნდა გადაიხედოს სისხლის სამართლის პასუხისმგებლობის საკითხი საზღვრის გადაკვეთასთან დაკავშირებით. რა სახის ფსიქიკურ გადახრასთან გვაქვს საქმე?“, - წერს მიხეილ სააკაშვილი და საზღვარზე არსებული ვითარების ამსახველ ვიდეო მასალას ავრცელებს.

შეგახსენებთ, 26 ივლისს უკრაინის პრეზიდენტმა პეტრო პოროშენკომ მიხეილ სააკაშვილს უკრაინის მოქალაქეობა ჩამოართვა. იმ დროისთვის სააკაშვილი აშშ-ში იმყოფებოდა. მიუხედავად იმისა, რომ მას უკვე არც ერთი ქვეყნის მოქალაქეობა არ აქვს და მისი პასპორტები გაუქმებულია, გუშინ იგი პოლონეთში ჩავიდა. როგორც ყოფილმა პრეზიდენტმა აღნიშნა, პოლონეთში შესვლისას მას არავითარი პრობლემა არ შექმნია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ოცნების მეგობარმა ირანის პარლამენტმა უცხოური ჩარევის წინააღმდეგ კანონი დაამტკიცა.

რომელი ბრენდი იმსახურებს ჩემპიონს? - ნინა თიბილაშვილის, ქართველი პარალიმპიელი ჩემპიონის ისტორია

კახეთში ფერმერებმა ატამი ნაგავსაყრელზე გადაყარეს, რადგან მისი გაყიდვა ვერ შეძლეს

უკრაინამ პირველად გამოიყენა ბრიტანული დრონები რუსეთის სიღრმეში საჰაერო დარტყმებისთვის