2017-07-26 13:58:29, 761 ნახვა
რეგიონი
აჭარის ჯანდაცვის მინისტრმა სახლის ჩამონგრევის შედეგად დაშავებული ბავშვი მოინახულა
აჭარის ჯანდაცვის მინისტრმა ზაალ მიქელაძემ და მინისტრის პირველმა მოადგილემ ლელა სურმანიძემ, მ. იაშვილის სახელობის ბათუმის დედათა და ბავშვთა ცენტრალურ ჰოსპიტალში, სახლის ჩამონგრევის შედეგად დაშავებული 7 წლის ბავშვი მოინახულეს.
სამინისტროს ცნობით, დაშავებულის მდგომარეობა სტაბილურია.
შემთხვევა ქობულეთის მუნიციპალიტეტის სოფელ ჩაისუბანში წუხელ მოხდა. ნგრევის შედეგად ბავშვთან ერთად დედა და დეიდა დაზარალდა. ქალბატონებს სამედიცინო დახმარება ბათუმის რეფერალურ საავადმყოფოში გაეწიათ, პაციენტებმა კლინიკა უკვე დატოვეს. სახლი, რომელშიც შემთხვევა მოხდა სიძველისგან იყო ავარიული.
(NS)
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
