„რუსთავი 2“-ის ტელეწამყვანი ვანო ჯავახიშვილი, მის შესაძლო ლიკვიდაციასთან დაკავშირებით, „პატრიოტთა ალიანსის“ დეპუტატის, ემზარ კვიციანის მიერ გავრცელებული ინფორმაციის თაობაზე, სამართალდამცველებმა გამოკითხეს.

ჯავახიშვილმა დიღმის პოლიციის სამმართველო ცოტა ხნის წინ დატოვა.

როგორც მან ჟურნალისტებს განუცხადა, გამომძიებლებს მარტივი კითხვები ჰქონდათ.

„გამომძიებლებს ძალიან მარტივი კითხვები ჰქონდათ, მუქარასთან დაკავშირებით, თუ ყოფილა ოდესმე ზარები და ასე შემდეგ. მსგავსი ფაქტები ჩემს არ დაფიქსირებულა. მსუბუქად ჩაიარა დაკითხვამ, ძალიან ზრდილობიანად გვესაუბრნენ. ცოტა ხანში ალბათ იგეგმება ემზარ კვიციანის დაკითხვაც. უფრო მეტი კითხვა ალბათ ემზარს ეკუთვნის, ვიდრე მე“, - განაცხადა ვანო ჯავახიშვილმა.

ადვოკატ დიტო საძაგლიშვილის თქმით, გამომძიებლებს აინტერესებდათ, ხომ არ განხორციელებულა რაიმე სახის კონტაქტი და მუქარა ვანო ჯავახიშვილთან.

„რეალურად გამოძიება ჯერ არ არის დაწყებული. ეს გამოჩნდება ალბათ მას შემდეგ, რაც ემზარ კვიციანი იქნება გამოძახებული ან მას გაესაუბრებიან პოლიციის თანამშრომლები და გადაამოწმებენ, თუ რა ინფორმაციაზე დაყრდნობით საუბრობდა ის, როდესაც ვანო ჯავახიშვილის მოსალოდნელ მკვლელობას ახსენებდა", - განაცხადა ადვოკატმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს