პროკურორი: შორენა თეთრუაშვილმა განაცხადა, რომ გიორგი მამალაძისთვის ციანიდი და გველის შხამი არ უთხოვია

2017-07-14 14:59:24, 2687 ნახვა

სამართალი კომენტარი

ე.წ. ციანიდის საქმის პროკურორის ზვიად გუბელაძის განცხადებით, მოწმის ჩვენებით დადასტურდა, რომ შორენა თეთრუაშვილს ბრალდებულ მამა გიორგი მამალაძისთვის ციანიდი და გველის შხამი არ უთხოვია.

როგორც გუბელაძემ ჟურნალისტებს პატრიარქის მდივან-რეფერენტის შორენა თეთრუაშვილის დაკითხვის შემდეგ განუცხადა, ჩვენებით ასევე დადასტურდა, რომ თეთრუაშვილი დეკანოზისთვის კარიერული წინსვლისთვის დამაბრკოლებელი გარემოება იყო.

"დადასტურდა, რომ ბრალდებული იტყუებოდა. დადასტურდა, რომ გველის შხამი და ციანიდი თეთრუაშვილს არ მოუთხოვია. მან ასევე ცილისმწამებლურ სტატიებზე ისაუბრა, რომლის დამკვეთი იყო ბრალდებული",- აღნიშნა ზვიად გუბელაძემ.

ცნობისთვის, ე.წ ციანიდის საქმეზე შორენა თეთრუაშვილის დაიკითხა ცოტა ხნის წინ დასრულდა. მან სასამართლოს მიმდებარე ტერიტორია უკომენტაროდ დატოვა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან