ქრთამის აღების ბრალდებით დაკავებული ოთარ აბესაძის ადვოკატის ლილი გელაშვილის განცხადებით, მისი დაცვის ქვეშ მყოფი დუმილის უფლებას იყენებს და ბრალს არ აღიარებს.

ადვოკატის ინფორმაციით, ოთარ აბესაძეს ბრალი ოფიციალურად წარედგინა.

"ბრალდების კვალიფიკაცია ამ ეტაპზე არ შეცვლილა, ანუ ქრთამზე არის წარდგენილი. ჩემი დაცვის ქვეშ მყოფმა ამ ეტაპზე გამოიყენა დუმილის უფლება, რაც ნიშნავს რომ ის არ აღიარებს ამ ეტაპისთვის ბრალს. მტკიცებულებებზე და საქმის მასალებთან დაკავშირებით ვიმსჯელებთ მხოლოდ აღკვეთის ღონისძიებაზე. ამ ეტაპზე ჩვენი დაცვის ქვეშ მყოფის ინტერესებიდან გამომდინარე თავს ვიკავებთ შეფასებისგან. უბრალოდ შეგვიძლია მის პოზიციაზე გითხრათ, რომ ის იყენებს დუმილის უფლებას", - განაცხადა გელაშვილმა.

ბრალდებულის კიდევ ერთი ადვოკატის ირმა ჭკადუას თქმით, ოთარ აბესაძე თავს ფსიქოლოგიურად ძალიან ცუდად გრძნობს.

შეგახსენებთ, ქრთამის აღების ფაქტზე თბილისის მერიის თანამშრომელი ოთარ აბესაძე დააკავეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს

მოქალაქეების 71% მხარს უჭერს ქვეყნის ევროკავშირში გაწევრიანებას, თუმცა 49% მიიჩნევს, რომ საქართველო ევროინტეგრაციის პროცესში არასწორი მიმართულებით მიდის

ლელო: სააკაშვილის განცხადება პოლიტიკური განხეთქილების შექმნის მცდელობაა