საქართველოში უკრაინის ელჩის იგორ დოლგოვის შეფასებით, რუსეთი კიდევ უფრო აძლიერებს საკუთარი სამხედრო ძალის არსებობას საქართველოს ოკუპირებულ ტერიტორიებზე, რაც საგანგაშო სიგნალია.

როგორც დოლგოვმა ჟურნალისტებს განუცხადა, ოკუპირებულ ტერიტორიებზე არსებულ ვითარებაზე და რუსეთის ქმედებებზე საუბარი უკრაინის პრეზიდენტ პეტრო პოროშენკოს საქართველოში ვიზიტის დროსაც იქნება.

მისივე თქმით, რაც საოკუპაციო ზოლთან ხდება, ეს ადამიანის უფლებების უპრეცედენტო დარღვევაა.

„სამწუხაროდ, ყოველდღე უფრო და უფრო გასაგები ხდება, რომ რუსეთის აგრესიული ქმედებები მიმართულია ქართველი ხალხის წინააღმდეგ, მშვიდობის თუ ნებისმიერი რომელიმე შეთანხმების წინააღმდეგ. ჩვენ, სამწუხაროდ, უკრაინაშიც ვიცით მოსკოვის დაპირებების ფასი, რომლის ნდობაც არ შეიძლება. რაც საოკუპაციო ზოლთან ხდება, ეს ადამიანის უფლებების უპრეცედენტო დარღვევაა. ეს პრობლემები ჩვენთან ახლოა და ამიტომ ამ თემაზე საუბარი იქნება პრეზიდენტ პოროშენკოს საქართველოში ვიზიტის დროს. დღევანდელ შეხვედრაზე ჩვენ ვისაუბრეთ ფაქტებზე, რომლებიც ადასტურებს, რომ ყოველდღიურად ხდება მცოცავი ოკუპაცია. უფრო და უფრო საშიში და საგანგაშო ხდება ე.წ. ბორდერიზაცია და მშვიდობის ნაცვლად, რუსეთი კიდევ უფრო აძლიერებს საკუთარი სამხედრო ძალის არსებობას ოკუპირებულ ტერიტორიებზე, რაც საგანგაშო სიგნალია“, - აღნიშნა იგორ დოლგოვმა.

ცნობისთვის, საგარეო საქმეთა სამინისტროში მინისტრის მოადგილე დავით დონდუა დიპლომატიური კორპუსის წარმომადგენლებს შეხვდა. შეხვედრის მთავარი თემა ოკუპირებულ რეგიონებში შექმნილი ვითარებაა. ამასთან, შეხვედრაზე საუბარი მავთულხლართებსა და ხელოვნური ბარიერების გავლების საკითხს შეეხო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”