მუხთარლის ადვოკატი: პრეზიდენტი აქტიურად ადევნებს თვალს საქმის შემდგომ განვითარებას

2017-06-27 16:45:54, 2537 ნახვა

სამართალი კომენტარი

აზერბაიჯანელი ჟურნალისტის აფგან მუხთარლის ადვოკატის არჩილ ჩოფიკაშვილის განცხადებით, პრეზიდენტს გამოძიებასთან არსებული დეტალები და ის კითხვები გააცნეს, რომლებიც მათ გააჩნიათ.

ამის შესახებ ადვოკატმა ჟურნალისტებს აფგან მუხთარლის მეუღლისა და პრეზიდენტის შეხვედრის შემდეგ განუცხადა, რომელსაც თავადაც ესწრებოდა.

"ასევე პრეზიდენტი ჩავაყენე საქმის კურსში მიმდინარე განხილვასთან დაკავშირებით, რომელიც ჩვენს მოთხოვნას შეეხება დროებითი ღონისძიების გამოყენების თაობაზე. პრეზიდენტი დაინტერესდა საკითხით. პრეზიდენტისგან მოვისმინეთ, რომ მომავალშიც აქტიურად ადევნებს თვალს საქმის შემდგომ განვითარებას და რომ ძალიან მნიშვნელოვანია, ეს საქმე როგორც კონკრეტული პირის უფლებების დაცვისთვის, ისე ქვეყნის იმიჯისთვის",-აღნიშნა ადვოკატმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან