საქართველოს იუსტიციის სამინისტროს გენერალურმა ინსპექციამ თაღლითობის ფაქტზე პაკისტანის მოქალაქე დააკავა. როგორც იუსტიციის სამინისტროში გამართულ ბრიფინგზე აღინიშნა, პაკისტანის მოქალაქემ ერაყის მოქალაქეს საქართველოს დროებითი ბინდადრობის მოწმობის დასამზადებლად 3000 ამერიკული დოლარი მოსთხოვა, წინასწარ კი, 1500 დოლარი გამოართვა.
ამასთან, გამოძიების ინფორმაციით, პაკისტანელმა მოქალაქემ ერაყელ მოქალაქეს დაუმზადა ყალბი სამუშაო ცნობა, რის სანაცვლოდაც დამატებით 200 ამერიკული დოლარი გამოართვა.
"საქართველოს იუსტიციის სამინისტროს გენერალურმა ინსპექციამ თაღლითობის ფაქტზე პაკისტანის მოქალაქე დააკავა.საქართველოს იუსტიციის სამინისტროს გენერალურ ინსპექციაში 2015 წლის 28 იანვრიდან მიმდინარეობს გამოძიება მოხელეთა მიერ შესაძლო ქრთამის აღების ფაქტთან დაკავშირებით.დანაშაული გათვალისწინებული საქართველოს სისხლის სამართლის კოდექსის 338-ე მუხლის პირველი ნაწილით. იუსტიციის სამინისტროს გენრალური  ინსპექციის მიერ გატარებული ღონისძიებების შედეგად, 2015 წლის 20 აპრილს თაღლითობისა და ყალბი ოფიციალური დოკუმენტის დამზადების  ფაქტზე დაკავებულ იქნა პაკისტანის მოქალაქე. გამოძიებით დადგენილ იქნა,  რომ პაკისტანის მოქალაქე საქართველოში მცხოვრებ ერაყელ მოქალაქეს, საქართველოს დროებითი ბინდადრობის მოწმობის დამზადებას ჰპირდებოდა და არწმუნებდა, რომ ამისთვის საჭირო იყო სერვისების განვითარების სააგენტოსა და სხვა სახელმწიფო სტრუქტურებში გარკვეული ოდენობის თანხების გადახდა.კერძოდ, პაკისტანის მოქალაქემ ერაყის მოქალაქეს საქმის მოგვარებისთვის 3000 ამერიკული დოლარი მოსთხოვა.საიდანაც 1500 ამერიკული დოლარი წინასწარ გამოართვა, ვითომდა სახელმწიფო მოხელეებისათვის გადასაცემად და თაღლითურად მიითვისა.გარდა ამისა, პაკისტანელმა მოქალაქემ ერაყელ მოქალაქეს დაუმზადა ყალბი სამუშაო ცნობა, რის სანაცვლოდაც დამატებით 200 ამერიკული დოლარი გამოართვა",-აღინიშნა იუსტიციის სამინისტროში გამართულ სპეციალურ ბრიფინგზე.
იუსტიციის სამინისტროს გენერალური ინსპექცია სისხლის სამართლის საქმეზე აგრძელებს ინტენსიურ საგამოძიებო მოქმედებების წარმოებას და აცხადებს, რომ როგორც აქამდე, მომავალშიც მკაცრი რეაგირება მოყვება ნებისმიერ დანაშაულებრივ ფაქტს, რომელიც ჩადენილი იქნება მოქალაქის მიერ სახელმწიფო მოხელის სახელის უკანონოდ გამოყენებისათვის.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირანი ფარულად ემზადება აშშ-სა და ისრაელის წინააღმდეგ ომის გაფართოებისთვის - The Wall Street Journal

The Telegraph: რუსეთმა ნატოს საზღვრებზე „შაჰიდების“ განსათავსებლად 10 ბაზა ააშენა

კრიშტიანუ რონალდუმ და მისმა მეუღლემ, ჯორჯინამ, ქორწილში დემნა გვასალიას კოსტიუმები ჩაიცვეს

ივანიშვილის მთავრობა ზამთრის ოლიმპიადაზე საქართველოს გუნდს ფულად პრიზებს გადასცემს