შინაგან საქმეთა სამინისტროს მომსახურების სააგენტოს დირექტორმა ნიკა გელაშვილმა ნორვეგიაში, მძღოლთა ტესტირების საერთაშორისო კომისიის Cieca-ს 49-ე საერთაშორისო კონგრესის ფარგლებში გამართულ ღონისძიებებსა და შეხვედრებში მიიღო მონაწილეობა.

კონგრესის ფარგლებში ქართულმა მხარემ „სიეკას" დელეგატებისთვის საქართველოში საგზაო მოძრაობის უსაფრთხოების საკითხების პრეზენტაცია წარადგინა. სააგენტოს წარმომადგენელმა ევროპელ კოლეგებს ამ მიმართულებით მომსახურების სააგენტოში განხორციელებული და დაგეგმილი ცვლილებების შესახებ ინფორმაცია მიაწოდა. პრეზენტაციაში გათვალისწინებული იყო ის რეკომენდაციები და შენიშვნები, რომელიც ქართულმა მხარემ მძღოლთა ტესტირების საერთაშორისო კომისიის ექსპერტების საქართველოში ვიზიტის დროს მიიღო. საერთაშორისო კონგრესის ერთ-ერთი თემა მართვის მოწმობის ინსტრუქტორებისა და გამომცდელების გადამზადება იყო. აღნიშნულ კონგრესს სულ 37 ქვეყნის 75 დელეგატი ესწრებოდა.

ვიზიტის ფარგლებში სააგენტოს დირექტორმა ნიკა გელაშვილმა საგზაო მოძრაობის უსაფრთხოების მიმართულებით მომუშავე სხვადასხვა ქვეყნის ექსპერტებთან შეხვედრები გამართა და ამ მიმართულებით ევროპის წამყვანი სახელმწიფოების გამოცდილებას გაეცნო.

მძღოლთა ტესტირების საერთაშორისო ორგანიზაციაა, რომელიც 1956 წელს დაარსდა და ევროკავშირის ქვეყნებში საგზაო მოძრაობის სტანდარტების შემუშავებას, მხარდაჭერასა და მონიტორინგს უზრუნველყოფს. შსს-ს მომსახურების სააგენტო Cieca-ში 2014 წელს გაწევრიანდა და აღნიშნულ ორგანიზაციასთან დღემდე აქტიურად თანამშრომლობს. სააგენტო სისტემატურად მონაწილეობს მძღოლთა ტესტირების საერთაშორისო ორგანიზაციის მიერ გამართულ სხვადასხვა სემინარსა და კონგრესებში.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

NYT: ტრამპი აპირებს, თურქეთისთვის ამერიკული F-35 გამანადგურებლების მიყიდვის ნებართვა მისცეს

პოლონეთმა განაცხადა, რომ 2022 წლიდან დღემდე უკრაინას 4.5 მილიარდი დოლარის ღირებულების იარაღი გადასცა

საქართველოს მოსახლეობის რიცხვი იზრდება, მაგრამ არა ეთნიკური ქართველების ხარჯზე - რატომ გარბიან ქართველები ქვეყნიდან?

ზელენსკიმ განაცხადა, რომ ომის შედეგს „ცა“ განსაზღვრავს და პუტინს მოსკოვში ათასი დრონის გაგზავნით დაემუქრა