ყატარი არაბული ქვეყნების ულტიმატუმს არარეალურად მიიჩნევს

2017-06-24 12:00:25, 2814 ნახვა

მსოფლიო

ყატარის მთავრობამ სპარსეთის ყურის ქვეყნების მხრიდან დიპლომატიური ბლოკადის შეწყვეტის სანაცვლოდ წაყენებული ულტიმატუმის შესრულებას არარეალური უწოდება, - ამის შესახებ BBC იუწყება.

როგორც ყატარის მთავრობის პრესსპიკერმა შეიხ საიფ ალ-ტანიმ განაცხადა, ოფიციალური დოჰასადმი წაყენებული პირობები იმდენად აბსურდულია, რომ დიპლომატიური იზოლაცია კიდევ ერთხელ ცხადყოფს არაბული ქვეყნების მიზანს.

„ახლა კიდევ უფრო ნათლად დავინახეთ, რომ სინამდვილეში ბლოკადის მიზეზი ყატარის სუვერენიტეტის შელახვაა და ამას არავითარი კავშირი არ აქვს ტერორიზმთან“, - განაცხადა ალ-ტანიმ.

მისივე ინფორმაციით, ამ ეტაპზე ყატარის ხელისუფლება ულტიმატუმების სიას განიხილავს და შესაბამის პასუხს ამზადებს.

ცნობისთვის, ოთხმა ქვეყანამ, რომლებმაც ყატართან დიპლომატიური ურთიერთობები გაწყვიტეს, ოფიციალურ დოჰას მოთხოვნების სია გაუგზავნა. ქვეყნები აცხადებენ, რომ თუ ყატარი მოთხოვნებს დააკმაყოფილებს, ისინი დიპლომატიურ ურთიერთობებს აღადგენენ. ერთ-ერთი მოთხოვნა ტელეკომპანია "ალ-ჯაზირას" დახურვაა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან