საქართველოს ყოფილი პრეზიდენტი, უკრაინელი ოპოზიციონერი მიხეილ სააკაშვილი რუსეთის ლიდერის ვლადიმერ პუტინის ინტერვიუს გამოეხმაურა, რომელიც პუტინმა ამერიკელ რეჟისორ ოლივერ სტოუნს მისცა.

როგორც სააკაშვილი Facebook-ის საკუთარ გვერდზე წერს, პუტინის ჩვევაშია ოპონენტების გიჟებად გამოცხადება.

"პუტინს არ შეუძლია, არ გავახსენდე. ამერიკელ რეჟისორთან ოლივერ სტოუნთან ინტერვიუში პუტინმა განაცხადა, რომ ყველამ იცის - რომ მე გიჟი ვარ. ეს ძველი „გებისტური“ მეთოდია, როდესაც ყველა ოპონენტს გიჟად გამოაცხადებ. ნამდვილად, პუტინის შეფასებით, გიჟი უნდა იყო, როდესაც შენს ხელში მილიონობით დოლარი გადის და არ იპარავ, გიჟი ხარ როდესაც შანტაჟს და ზეწოლას არ ნებდები, გიჟი უნდა იყო, რომ ჩემსავით იაზროვნო, რადგან მე მჯერა - უკრაინა  ევროპის ნაწილი გახდება. რა თქმა უნდა, პუტინისთვის სიგიჟეა, როდესაც ვინმე ფიქრობს, რომ პუტინს მალე ბოლო მოეღება და უკრაინა ამ ომში გაიმარჯვებს. მე ამის მჯერა", - წერს მიხეილ სააკაშვილი.

შეგახსენებთ, რომ ვლადიმერ პუტინთან ინტერვიუ ამერიკელმა რეჟისორმა ოლივერ სტოუნმა ჩაწერა. ინტერვიუში პუტინმა განაცხადა, რომ აგვისტოს ომს საქართველოს ყოფილი პრეზიდენტი მიხეილ სააკაშვილი საკუთარი ინიციატივით ვერ გაბედავდა და სააკაშვილს ომის დაწყებისკენ უბიძგეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსების მიერ რუსთაველის თეატრში დადგმულ სპექტაკლს კრიტიკა მოჰყვა, რეჟიმის კულტურის სამინისტრო თავს იმართლებს

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან