2017-06-17 11:42:23, 2304 ნახვა
სამართალი
ანტალიაში 5-კაციანი ჯგუფი დააკავეს, რომელთა შორის საქართველოს მოქალაქეები არიან (ვიდეო)
ანტალიაში 5-კაციანი ჯგუფი დააკავეს, რომლის წევრებიც ქალაქში ავტომობილებსა და ბინებს ძარცვავდნენ, - ამის შესახებ Haberler.com იუწყება.
მედია საშუალების ინფორმაციით, დაკავებულთა შორის საქართველოს მოქალაქეებიც არიან, ერთ-ერთი ქალია.
მედიის ცნობით, დაჯგუფების წევრები ნიღბებით მოქმედებდნენ.
როგორც Haberler-ი წერს, დაკავებულთა საცხოვრებელი ბინიდან ამოღებულია მობილური ტელეფონები, კომპიუტერები და ძვირფასი ნივთები.
გარდა ამისა, მედიაში დაკავების ამსახველი ვიდეომასალა გავრცელდა.
დაკავების ოპერაცია ანტალიის პოლიციამ განახორციელა, ეჭვმიტანილების იდენტიფიცირება სათვალთვალო კამერების მეშვეობით შეძლეს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
