კილაძე: იმედი მაქვს, ჩვენი სამართალდამცავები აზერბაიჯანელი ჟურნალისტის საქმეს მალე ნათელს მოჰფენენ

2017-06-14 14:35:47, 2190 ნახვა

პოლიტიკა კომენტარი

პარლამენტის ადამიანის უფლებათა კომიტეტის თავმჯდომარის სოფიო კილაძის განცხადებით, აზერბაიჯანელი ჟურნალისტის საქმის ეფექტური გამოძიებით ხელისუფლება არანაკლებ დაინტერესებულია.

კილაძის თქმით, დიდი იმედი აქვს, საქართველოს სამართალდამცავი სტრუქტურები მაქსიმალურად გონივრულ ვადებში ყველა კითხვას პასუხს გასცემენ:

„აზერბაიჯანელი ჟურნალისტის საქმე ძალიან მგრძნობიარეა, როგორც ქვეყნისთვის გარეთ, ასევე ჩვენი ქვეყნის შიგნით ადამიანის უფლებების დაცვის კუთხით. ჩვენ, როგორც პასუხისმგებლიან ხელისუფლებას, არანაკლებ გვტკივა გული ამ საკითხზე და იმ კითხვის ნიშნებზე, რომელიც ისმის საზოგადოების დიდი ნაწილის მხრიდან. ჩვენი, როგორც ხელისუფლების, როლი, ამ შემთხვევაში არის ის, რომ მაქსიმალურად შემჭიდროვებულ ვადებში მოეფინოს ნათელი ამ საქმეს. ძალიან დიდი იმედი მაქვს, ჩვენი სამართალდამცავი სტრუქტურები მოახერხებენ და მაქსიმალურად გონივრულ ვადებში ნათელს მოჰფენენ ამ საქმეს, პასუხს გასცემენ ყველა კითხვას. ესაა პირველ რიგში ჩვენი ხელისუფლების ინტერესი“,-განაცხადა სოფიო კილაძემ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან