ლონდონში საცხოვრებელი კორპუსი იწვის - დაშავდა სულ მცირე 30 ადამიანი

2017-06-14 09:51:24, 2569 ნახვა

მსოფლიო

ლონდონში საცხოვრებელ კორპუსს ცეცხლი გაუჩნდა, რის შედეგადაც სულ მცირე 30 ადამიანი დაშავდა, - ამის შესახებ BBC იუწყება.

მედია საშუალების ინფორმაციით, ხანძარი ლონდონის დასავლეთით, Grenfell-ის მრავალსართულიან საცხოვრებელი კომპლექს გაუჩნდა.

როგორც მედია იტყობინება, არსებობს საშიშროება, რომ შენობა ჩამოინგრევა.

BBC-ის ცნობით, ადგილზე 200-მდე მეხანძრე მუშაობს. შენობიდან ხალხის ევაკუაცია ამ წუთებშიც მიმდინარეობს.

თვითმხილველების თქმით, შესაძლოა იყოს მსხვერპლი, რადგან რამდენიმე ადამიანი მათი ინფორმაციით, ფანჯრიდან გადმოხტა. დაშავებულები საავადმყოფოშ არიან გადაყვანილი.
ამ დროისთვის ხანძრის გამომწვევი მიზეზი უცნობია.

ლონდონის მერის სადიკ ხანის განცხადებით, ხანძარს "მასშტაბური ინციდენტის" სტატუსი მიენიჭა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან