სოციალურ ქსელში სარეკლამო ბანერი გავრცელდა, რომელზეც საქართველოს რუკა აფხაზეთისა და ე.წ. სამხრეთ ოსეთის გარეშეა გამოსახული.

აღნიშნულმა ფოტომ Facebook-ის მომხმარებლებში დიდი რეზონანსი და უკმაყოფილება გამოიწვია.

თავდაპირველად ვრცელდებოდა ინფორმაცია, რომ სარეკლამო ბანერი სომხური კომპანიის იყო. თუმცა, როგორც გაირკვა, ბანერი საერთაშორისო კომპანია Enterprise Holding-ს ეკუთვნის.

ხსენებული კომპანია მანქანებს მსოფლიოს მასშტაბით 85 ქვეყანაში აქირავებს.

"ექსპრესნიუსი" დეტალების გასარკვევად საქართველოს საგარეო საქმეთა სამინისტროს დაუკავშირდა. 

უწყების პრესისა და ინფორმაციის დეპარტამენტის ცნობით, აღნიშნული ფაქტის შესახებ მათთვის 11 ივნისს გახდა ცნობილი.

"საქარათველოს საელჩომ ერევანში მოახდინა მყისიერი რეაგირება. შედგა კომუნიკაცია, როგორც მანქანების გაქირავების კომპანიასთან ასევე, სომხეთის საგარეო საქმეთა სამინისტროსთან. კომპანიის წარმომადგენლის განცხადებით საქმე გვაქვს დიზაინერის შეცდომასთან და ბანერზე განთავსდება რუკის გასწორებული ვერსია", - აცხადებენ უწყებაში. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსების მიერ რუსთაველის თეატრში დადგმულ სპექტაკლს კრიტიკა მოჰყვა, რეჟიმის კულტურის სამინისტრო თავს იმართლებს

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან