მოკრივე მერაბ დვალიშვილი: სასამართლო დღეს გაიმართება, ავთოს სჭირდება აშშ-ში ლეგალურად მცხოვრები 4 პირის თავდებში ჩადგომა

2017-06-09 10:32:28, 1901 ნახვა

საზოგადოება

ამერიკის შეერთებულ შტატებში მცხოვრები სპორტსმენი მერაბ დვალიშვილი Facebook-ის საკუთარ გვერდზე ვიდეოს ავრცელებს, სადაც აღნიშნავს, რომ ნიუ-იორკში დაკავებულ მოკრივეებს ავთანდილ ხურციძესა და ლევან მაყაშვილს სასამართლოზე 4 თავდები პირი ესაჭიროებათ.

როგორც დვალიშვილი აცხადებს, აუცილებელია ის ადამიანები, ვინც სპორტსმენებს თავდებში ჩაუდგებიან, აშშ-ში ლეგალურად ცხოვრობდნენ და სტაბილური სამსახური ჰქონდეთ.

დვალიშვილის თქმით, სასამართლო სხდომა დღეს ნიუ-იორკის დროით 12:00 საათზე გაიმართება.

„ვიდრე ყველაფერი გაირკვევა, საჭიროა ოთხი ადამიანი ჩაუდგეს თავდებში. კარგი იქნება, თუ გამოჩნდებიან ის ადმიანები, ვინც თავდებში ჩაუდგებიან სპორტსმენებს.

ავთანდილ ხურციძეს დღეს უფასო ადვოკატი მოუყვანეს, თუმცა ხელი არ მოაწერა და ეყოლება თავისი დაქირავებული ადვოკატი. ბიჭები უდანაშაულოები არიან “,- აცხადებს მერაბ დვალიშვილი.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან