დონალდ ტრამპი: ამერიკას რაც შეეძლება, ლონდონისა და გაერთიანებული სამეფოს დასახმარებლად,ყველაფერს გავაკეთებთ

2017-06-04 11:02:31, 2344 ნახვა

მსოფლიო

ლონდონში მომხდარ ინციდენტებს, რომელსაც ბრიტანეთის პოლიციამ ტერაქტის კვალიფიკაცია მიანიჭა, აშშ-ს პრეზიდენტი დონალდ ტრამპი „ტვიტერის“ მეშვეობით გამოეხმაურა:

„ლონდონისა და გაერთიანებული სამეფოს დასახმარებლად, ამერიკას რაც შეეძლება, ყველაფერს გავაკეთებთ. თქვენთან ვართ. ღმერთმა დაგლოცოთ",-დაწერა ტრამპა ტვიტერზე.

ამერიკის შეერთებული შტატების პრეზიდენტ დონალდ ტრამპსა და ბრიტანეთის პრემიერ ტერეზა მეის შორის სატალეფონო საუბარიც შედგა.

შეგახსენებთ, გუშინ ლონდონში ინციდენტი ორ ადგილას მოხდა.

თავდაპირველად, ლონდონის დროით 22:15 საათზე მიკროავტობუსი ლონდონის ხიდზე მოქალაქეებს დაეჯახა, შემდეგ კი ბოროტმოქმედები მოქალაქეებს თავს სავაჭრო უბან Borough Market-ში დაესხნენ, რომლის შედეგადაც, რამდენიმე ადამიანი დაიჭრა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან