ბიბილოვი: სამხრეთ ოსეთი უარს არ ამბობს რუსეთის ფედერაციის შემადგენლობაში შესვლაზე

2017-06-02 13:56:07, 849 ნახვა

რეგიონი

ე.წ. სამხრეთ ოსეთის დე-ფაქტო პრეზიდენტის ანატოლი ბიბილოვის განცხადებით, ოკუპირებული ცხინვალი უარს არ ამბობს რუსეთის ფედერაციის შემადგენლობაში შესვლაზე, თუმცა ეს გადაწყვეტილება შესაძლოა გადაიდოს, - ამის შესახებ ანატოლი ბიბილოვმა "რია-ნოვოსტისთან" ინტერვიუში განაცხადა.

როგორც ბიბილოვმა აღნიშნა, რეფერენდუმის ჩატარების სურვილი ე.წ. სამხრეთ ოსეთის ხალხს სურს.

"არავინ უარყოფს სამხრეთ ოსეთის რუსეთის შემადგენლობაში შესვლის თაობაზე რეფერენდუმის ჩატარების იდეას. სამხრეთ ოსეთის ხალხს ეს სურს და ადრე თუ გვიან, აქამდე მივალთ. ამას ვერ გავექცევით. სამხრეთ ოსეთსა და რუსეთში პოლიტიკურ ძალებთან კონსულტაციის გარეშე ეს შეუძლებელი იქნება“, - დასძინა ბიბილოვმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან