მთავრობამ სტრასბურგის მოსამართლეობისთვის ლადო ჭანტურიას, სოფიო ჯაფარიძის და სოსო გეწაძის კანდიდატურები შეარჩია

2017-06-01 15:43:20, 3144 ნახვა

სამართალი

საქართველოს მთავრობა ევროპის საბჭოს საპარლამენტო ასამბლეას 2017 წელს ადამიანის უფლებათა ევროპულ სასამართლოში ასარჩევად ლადო ჭანტურიას, სოფო ჯაფარიძის და შოთა გეწაძის კანდიდატურებს წარუდგენს.

ამის შესახებ იუსტიციის მინისტრმა თეა წულუკიანმა ჟურნალისტებს მთავრობის სხდომის დასრულების შემდეგ განუცხადა.

იუსტიციის სამინისტროში ადამიანის უფლებათა ევროპული სასამართლოს მოსამართლეობის მსურველთა შერჩევის მიზნით გასაუბრებები გაიმართა. გასაუბრების შემდეგ სპეციალური სამთავრობო კომისიის წევრებმა თითოეული კანდიდატი ქულებით შეაფასეს. ქულების დაჯამების შედეგად, გამოვლინდა ხუთი კანდიდატი, რომლებმაც ყველაზე მაღალი შედეგი აჩვენეს. მათგან მთავრობამ დღეს სამი კანდიდატი შეარჩია.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან